د داوطلبۍ بیاځلې خبرتیا
دنشر تاریخ
د ختمیدو تاریخ
د کانونو او پټرولیم وزارت په پام کې لري، چې د فراه ولایت د مخکی نیول شویو ډبرو څخه(۱۶۹.۵) کیلو ګرامه لوړ کیفیت لاجورد، (۴۵.۳) کیلو ګرامه متوسط کیفیت لاجورد، د کندهار ولایت(۲.۷) کیلو ګرامه فلورایټ او (۱.۱) کیلو ګرامه کلسیت، د علاقهمندانو د خبرتیا په موخه د ۱۴۰۵/۰۶/۳۱ نېټې څخه د (۱۰) کاري ورځو لپاره د داوطلبۍ له لارې د خرڅلاو په موخه اعلان ته وسپاري.
د یادونې وړ ده چې د قیمت ټاکلو کمېټې د پرېکړې پر بنسټ، د یادو ډبرو لومړنی قیمت د هر کیلو ګرام له مخې په لاندې ډول ټاکل شوی دی:
* عالي لاجورد: (۱۰۴۰) افغانۍ؛
* متوسط لاجورد: (۵۲۰) افغانۍ؛
* فلورایت: (۲۰) امریکایي ډالر؛
* کلسیت: (۴.۳۶) امریکایي ډالر؛
یا د ورځې د نرخ له مخې معادل افغانۍ.
هغه علاقهمند شرکتونه چې غواړي یادې ډبرې له ټاکل شوي قیمت څخه په لوړ قیمت اخلي، خپل غوښتنلیکونه دې د کاډسټر او تړونونو د پلي کولو عمومي ریاست ته وسپاري او د ټولیز قیمت لس سلنه(۱۰) دې د بانکي تضمین لیک په بڼه د داوطلبۍ په ورځ وړاندې کړي.
