د داوطلبۍ بیاځلې خبرتیا

د کانونو او پټرولیم وزارت په پام کې لري، چې د پروان ولایت د کوه صافي ولسوالۍ د ګداخېل سیمې د وزارت برخه(۳۶۳.۹۳۱) ټنه کرومایټ ډبرې د۱۴۰۵/۴/۲۴ نېټې څخه د(10) ورځو لپاره د داوطلبۍ په موخه اعلان ته وسپاري.
د یادونې وړ ده، چې د یادو کرومایټو لپاره د یو ټن لومړنی قیمت د وزارت د رهبري هیئت له لوري(۱۱۰۰۰) افغانۍ ټاکل شوی دی.
هغه کسان چې غواړي یادې ډبرې واخلي خپل غوښتنلیکونه دې د فلزي کانونو د مدیریت او پلي کولو ریاست ته وسپاري او اړوند شرطپاڼه دې تر لاسه کړي او د لومړني ټولیز قیمت لس(10) سلنه نغدې پیسې د ضمانت په توګه د بانکي تضمین‌لیک له لارې دې د داوطلبۍ په ورځ وړاندې کړي.