د خوست ولایت کانونو د ساتنې کمېټې ناسته ترسره شوه
د کانونو ساتنې کمېټې غونډه د خوست ولایت د کانونو د رئیس الحاج مولوي صادق جان حمزه په مشرۍ چې پکې د امنیه قومندانۍ استازی، د استخباراتو مرستیال د کمېټې غړو ګډون درلود، د یاد ولایت د کانونو په ریاست کې ترسره شوه.
په دغه ناسته کې د خوست ولایت کانونو رئیس د قراردادونو د ارزونې او څرنګوالي، د کانې زېرمو د مدیریت او د هغو د ارزښت، له قاچاق څخه مخنیوی او کانونو د ساتنې په اړه یې خبرې وکړې زیاته یې کړه: د افغانستان کانونو د هېواد د ټولو وګړو ګډه ملي پانګه ده، د هغو ساتنه زموږ د ټولو مسوولیت او دنده ده.
په همدې موخه د کمېټې غړو د غونډې په پای کې خپل نظریات واورول.
