د بد خشان ولایت د سرو زرو کان آفرګشایي غونډه ترسره شوه

د بد خشان ولایت راغستان ولسوالۍ د ویکادور سیمې د سرو زرو کان آفر ګشايي، چې 40 کیلو مټره مربع مساحت لري مخکې اعلان ته سپارل شوی وه نن د شنبې ورځ یې د کانونو او پټرولیم وزارت د غونډو په تالار کې د یوې رڼې پروسې په ترڅ کې آفرګشایي ترسره شوه.
د کانونو او پټرولیم وزارت سرپرست شیخ الحدیث شهاب الدین دلاور له لوري د یاد کان آفرګشایي چې پکې د پلان او پالیسي مرستیال شیخ ضیاءالرحمن الاریوبي، ټاکلي پلاوي، د رسنیو استازو او پنځو هغو شرکتونو په شتون کې، چې د پرو پوزلونو په ارزونې کې شرایط پوره کړي ول د یوې رڼې پروسه په ترڅ کې آفرګشايي ترسره شوه.
د ټاکلې کمېټې له لوري د پروپوزلونو له ارزونې وروسته به یې پایلې اعلان شي.