د ارزګان ولایت د کانونو د ساتنې کمېټې ناست ترسره شوه
د کانونو ساتنې کمېټې غونډه دارزګان ولایت د والي الحاج مولوي عنایت الله"شجاع" په مشرۍ د امنیه قومندان الحاج مولوي محمد رفیق"خادم" د کمېټې غړو او د یاد ولایت د بېلا بېلو برخو رئیسانوپه ګډون ترسره شوه.
د ارزګان ولایت والي زیاته کړه: موږ ته په کار ده چې د کاني زېرمو ښه مدیریت او ساتنه یې وکړو او دغه راز خپل هېواد او نظام پرې پیاوړی کړو، کانونه زموږ د هېواد ملي شتمني ده، موږ او تاسو ته لازمه ده چې د ساتنې، روڼتیا برخې ته یې پاملرنه وکړو او د قاچاق، غیر قانوني استخراج په برخه کې یې مخنیوی وکړو، هغه همدا راز یادونه وکړه چې د یاد ولایت د مقام مشرتابه غړي په ټولو برخو کې همکارۍ ته چمتو دي.
په پای کې د کمېټې غړو خپل نظرونه، وړاندیزونه شریک کړل، د کانونو د ساتنې د غیر قانوني استخراج په برخه کې یې له کمېټې سره د همکاریو ژمنه وکړه.
