افغانستان خاورې ته د ټاپي پروژې د اړینو تجهیزاتو او نللیکو د انتقال لپاره د موقت بندر د جوړېدو په اړه غونډه وشوه
افغانستان خاورې ته د ټاپي پروژې د اړینو تجهیزاتو او نللیکو د انتقال لپاره د موقت بندر د جوړېدو په اړه غونډه وشوه
د افغانستان په خاوره کې د ټاپي د ګازو نللیکې د ساختماني چارو د پېل په موخه د چارو د انسجام په لړ کې د افغانستان خاورې ته د تجهیزاتو او نللیکو د لېږد لپاره د افغانستان-ترکمنستان په سرحدي سیمې اسلیم چشمه کې د یوه موقت بندر د جوړېدو په اړه د افغانستان او ترکمنستان د اړوندو ادارو د استازو ترمنځ د ترکمنستان په سرحدآباد کې غونډه وشوه.
دواړو لورو د موقت بندر پر تخنیکي جزئیاتو تفصیلي خبرې وکړې. افغان لوري د بندر د جوړېدو لپاره خپل بشپړ چمتووالی وښود.
همدارنګه تر غونډې وروسته افغان او ترکمن پلاويو د جوړېدونکي بندر ساحه او هم د ترکمنستان په سرحدآباد کې د ټاپي لپاره د انتقال شویو نللیکو او تجهیزاتو د انبار ساحه له نږدې وکتله.
