د ارزګان ولایت د فلورایټو داوطلبي ترسره شوه
د ارزګان ولایت د چهارچینو ولسوالۍ د الوم باغ سیمې د (۱۸۰) ټنه فلورایټو د پلور داوطلبي د ۱۴۰۳/۱۰/۲۲ نېټې د منرالونو د تنظیم او کاډسټر عمومي رئیس ملا عبدالرحمن رحماني، ټاکلې کمېټې او داوطلبو شرکتونو په شتون کې د کانونو او پټرولیم وزارت د غونډو په تالار کې ترسره شوه.
په پیل کې د منرالونو د تنظیم او کاډسټر عمومي رئیس ګډون کوونکو ته د ښه راغلاست تر څنګ د فلورایټو او د یادې پروسې د روڼتیا په اړه لنډ معلومات وړاندې کړل.
په دغه داوطلبۍ کې د ګډون کوونکو شرکتونو له جملې څخه فرید شیرزاد لیمټید د ارزګان ولایت د چهار چینو ولسوالۍ الوم باغ سیمې د (۱۸۰) ټنه استخراج شویو فلورایټو یو ټن (۱۵۵۰۰) افغانیو په قېمت سره ګټوونکی اعلان شو.
