د کانونو او پټرولیم وزارت سرپرست د P I N او I R C موسیسو له رئیسانو سره ولیدل
د کانونو او پټرولیم وزارت سرپرست شیخ الحدیث شهاب الدین دلاور د P I N او I R C نړۍ والو موسیسو له رئیسانو سره په خپل کاري دفتر کې ولیدل.
په پیل کې د P I N موسیسې رئیس د یاد موسیسې د فعالیتونو په اړه هر اړخیز معلومات وړاندې کړل، همدا راز یې په بېلا بېلو برخو کې د کارمندانو د ظرفیت لوړولو په موخه د ښوونیزو برنامو په ځانګړې توګه د تخنیکي او اقتصادي برنامو د جوړېدو په اړه خبرې وکړې، ترڅنګ یې د I R C موسیسې رئیس هم د یادې موسيسې له لوري د هر ډول همکاریو ژمنه وکړه.
د کانونو او پټرولیم وزارت سرپرست مېلمنو ته د ښه راغلاست تر څنګ د هغوی د برنامو هر کلی وکړ او د هرډول لازمو همکاریو ژمنه یې ورسره وکړه.
