د افچین کمپنۍ له استازي سره د کانونو او پټرولیم وزارت سرپرست ناسته
د کانونو او پټرولیم وزارت سرپرست شیخ الحدیث شهاب الدین دلاور د تخنیکي مرستیال انجنیر وحیدالله حلیمي او یو شمېر رئیسانو په شتون کې د افچین کمپنۍ له استازي او مل پلاوي سره په خپل کاري دفتر کې ولیدل.
په دغه لیدنه کې د اونیزه کاري راپور تر څنګ د قشقري د نقت پروژې د قرارداد د طرزالعمل له مخې د وروستیو فعالیتونو او پرمختګونو په اړه بحث او نظرونه سره شریک کړل.
ورپسې د يادې کمپنۍ استازي د کانونو او پټروليم وزارت سرپرست له همکاریو څخه د مننې ترڅنګ ژمنه وکړه چې په روان کال کې به 16 نورې څاه ګانې کېندو او د استخراج کچه به يې په ورځ کې 1000 ټنو ته لوړه شي.
دغه راز د استخراج لپاره د يوې څاه د کيندلو او چمتو کولو لګښت تر دې وړاندې شپږ ميليونه ډالره و، چې د کانونو او پټروليم وزارت د ښه مديريت او د (افچين) کمپمنۍ له خوا له عصري تکنالوژۍ څخه په استفادې سره درې ميليونه ډالرو ته راکم شوى دى.
د يادونې وړ ده چې د يادو څاګانو کيندل د پخوانۍ ادارې د قرارداد په پرتله 50 ميليونه ډالره ارزانه دي.
