ښاغلی شفیق الله عمران د کانونو او پټرولیم وزارت د لابراتوارونو ریاست رئیس په توګه معرفي شو.
ښاغلی شفیق الله د مولوی محمد شرین زوی چې د میدان وردګو ولایت تعلیم او تربیې څخه فارغ دی د کانونو او پټرولیم وزارت په وړاندیز د 181 شمېرې په حکم 28/3/1443 نېټې د افغانستان اسلامي امارت د محترم ریاست الوزراء له لوري تېره ورځ 3/4/1443 نېټې رسماٌ د لابراتوارونو ریاست کارمندانو ته د رئيس په توګه وروپېژندل شو.
ښاغلی عمران د کانونو، تعلیم او تربيې، اقتصاد، ګمرکونو او مؤسساتو کمېسینونو کې له 8 کلونو څخه زیاته کاري تجربه لري او نوموړي د افغانستان اسلامي امارت د کانونو او پټرولیم وزارت د رهبرۍ له باور تر څنګ ژمنه وکړه چې د همدې ریاست د کارمندانو په همکارۍ به خپله دنده په صداقت سره پر مخ وړم.
