محمد هارون چخانسوري: د انرژۍ د خدماتو د تنظیم اداره دې هغو ساحو ته د انرژۍ د رسولو لپاره لومړیتوب ورکړي چې د کانونو استخراج او پروسس پکې ترسره کیږي

firoz_admin
Wed, Mar 10 2021 5:06 PM
56
د کانونو او پټرولیم وزیر محمد هارون چخانسوري، د انرژۍ د خدماتو د تنظیم ادارې له عمومي رئیس ډاکټر داود میرزایي سره په خپل کاري دفتر کې وکتل. په دې کتنه کې، د دواړو ادارو ترمنځ د همغږۍ په پراختیا بحث وشو. د کانونو او پټرولیم وزیر محمد هارون چخانسوري وویل: د کانونو استخراج او پروسس، د زیربنایي خدماتو شتون ته اړتیا لري. له همدې امله، د انرژۍ د خدماتو د تنظیم اداره دې هغو ساحو ته د انرژۍ د رسولو لپاره لومړیتوب ورکړي چې د کانونو استخراج او پروسس پکې ترسره کیږي. محمد هارون چخانسوري د ډبرو له سکارو څخه د انرژۍ د تولید د طرحې په اړه هم معلومات شریک کړل او د طرحې د تطبیق په برخه کې یې د انرژۍ د خدماتو د تنظیم له ادارې څخه د همکاریو غوښتنه وکړه. د انرژۍ د خدماتو د تنظیم ادارې عمومي رئیس ډاکټر داود میرزایي د خپلې ادارې له اړخه د هر ډول همکاریو ژمنه وکړه او د دواړو ادارو په کچه یې د تخنیکي ټیمونو د تشکیل او د ګډو همکاریو د تفاهم لیک د لاسلیک کولو غوښتنه وکړه. د کانونو او پټرولیم وزیر د همغږۍ د پیاوړتیا په موخه د دواړو ادارو د تخنیکي ټیمونو د تشکیل له وړاندیز څخه مننه وکړه او د دوه اړخیزې تفاهمنامې پر ځای یې د افغانستان د برېښنا شرکت په ګډون د همکاریو د درې اړخیز تفاهم لیک د ترتیبولو لپاره اړونده مسئولینو ته لارښوونې وکړې.

Latest news

Sun, May 10 2026 1:58 PM
Background image

Gold Extraction Contract for Kunduz Province Signed

Mr. Hedayatullah Badri, Minister of Mines and Petroleum, on Sunday, 5/10/2026 signed a contract for the extraction of a gold mine located in Qala Zal District of Kunduz Province,. . .

Sun, May 03 2026 3:05 PM
Background image

Signing of the Poly-Metallic Mine Contract of Faryab Province 

Mr. Hidayatullah Badri, Minister of Mines and Petroleum, signed the contract for the poly-metallic mine located in the Seh Ko area of Kohistan District, Faryab Province, on Sunday, 3/5. . .

Sun, May 03 2026 2:47 PM
Background image

Minister of Mines and Petroleum Meets the President of Fang Yun Company

Mr. Hidayatullah Badri, Minister of Mines and Petroleum, held a meeting on Sunday, 3/5/2026 with the chief of the Chinese Fang Yun Company and his accompanying delegation at the. . .

BACK TO NEWS