په تورغونډۍ کې د کانونو او پټرولیم وزیر د ترکمن چارواکو هرکلی وکړ؛ د بندر او ټاپي پروژې ګډه لېدنه وشوه

kamran_admin
یکشنبه ۱۴۰۴/۱۱/۱۲ - ۱۳:۳۶
news

د کانونو او پټرولیم وزیر الحاج ملا هدایت الله بدري د هرات والي شیخ نور احمد اسلام جار په ملتیا د خپل رسمي سفر پر مهال تورغونډۍ بندر ته ورسېد، چېرې چې یې پخپله د ترکمنستان د بهرنیو چارو وزیر رشید مردوف او نورو لوړپوړو ترکمن چارواکو تود هرکلی وکړ.

د یاد سفر په ترڅ کې، افغان او ترکمن چارواکو په ګډه د تورغونډۍ بندر د پراختیایي او بنسټیزو روانو چارو څخه لیدنه وکړه او د بندر د ظرفیت لوړولو، ترانزیټي اسانتیاوو پراختیا او د دواړو هېوادونو ترمنځ د سوداګریزو اړیکو د لا پیاوړتیا په اړه یې خبرې وکړې.

همدارنګه، دواړو لورو په ګډه په هرات ولایت کې د ټاپي سترې او مهمې پروژې له روانو چارو څخه هم لیدنه وکړه. د پروژې مسوولینو د کار د پرمختګ، تخنیکي بهیر او راتلونکو مرحلو په اړه هر اړخیز معلومات وړاندې کړل.

ښاغلي بدري ټاپي پروژه د سیمې لپاره یوه حیاتي او مهمه اقتصادي پروژه وبلله او ټینګار یې وکړ چې د یادې پروژې چارې باید د ګډو همکاریو، لوړو معیارونو او ټاکلي مهالوېش سره سم پر مخ یووړل شي.

د یادونې وړ ده چې تورغونډۍ بندر د افغانستان او ترکمنستان ترمنځ د سوداګرۍ او ترانزیټ له مهمو دروازو څخه شمېرل کېږي، او د ټاپي پروژه به د سیمې د اقتصادي اتصال او انرژۍ امنیت لپاره مهم رول ولوبوي.

Image 1 Image 2

تازه خبرونه

چهارشنبه ۱۴۰۵/۸/۱۳ - ۱۵:۲۵
Background image

د جوزجان ولایت د جنګل‌کلان سیمې د ګازو د اکتشاف او استخراج تړون لاسلیک شو


د کانونو او پټرولیم وزیر الحاج ملاهدایت الله بدري، د ریاست‌الوزراء د اقتصادي مرستیال ښاغلي ملا عبدالغني برادر اخوند، د اوبو او انرژۍ وزیر ملا محمد یونس اخوندزاده، د امارتي شرکتونو. . .

دوشنبه ۱۴۰۵/۸/۱۱ - ۱۲:۶
Background image

د کانونو او پټرولیم وزارت د «معادن» مجله له چاپه را ووته

معادن! د کانونو او پټرولیم وزارت اقتصادي، علمي، څېړنیزه او معلوماتي مجله ده، چې د وزارت د مهمو فعالیتونو او لاسته‌راوړنو ترڅنګ، علمي مقالې، څېړنې، معلومات او نور مهم موضوعات پکې خپرېږي.. . .

شنبه ۱۴۰۵/۸/۹ - ۱۹:۳۷
Background image

د افغانستان د نړیوال نندارتون د پای غونډ ترسره شوه

دا نندارتون چې د کانونو او پټرولیم وزارت له لوري د باختر درخشان شرکت په همکارۍ، د هېواد د کانونو په سکټور کې د پانګونې د وړتیاوو او فرصتونو پیژندلو په موخه جوړ شوی و، د شنبې په ورځ، د. . .

بېرته خبرونه ته