د اقتصادي وزارتونو او ادارو په کړنو د څارهیئت څلورمه ناسته ترسره شوه
د اقتصادي وزارتونو او ادارو په کړنو د څار هیئت څلورمه ناسته د کانونو او پټرولیم وزارت د سروې او جیولوجي مرستیال الحاج مفتي عبدالمتین سعید په مشرۍ ترسره شوه.
په پیل کې د کانونو او پټرولیم وزارت د سروې او جیولوجي مرستیال راغلو مېلمنو ته د ښه راغلاست ترڅنګ د تېرو جلسو د پرېکړود عملي کېدو، په ادارو کې د مکتوبونو او اسنادونو د برېښنایي سیسټم د کارونې پر تطبیق او نور اړوندو موضوعاتو په اړه خبرې وکړې.
همدا راز دیاد هیئت غړو په خپل وار سره د غونډې ګډنوالو ته د خپلو وزارتونو او ادارو له لوري خپل معلومات وړاندې کړل او پرېکړه وشو، چې په اجنډا کې ټول شته موضوعات دې پر وخت پلي شي.
