د کانونو او پټرولیم وزارت سرپرست د چین هېواد له سفیر سره وکتل
د کانونو او پټرولیم وزارت سرپرست الحاج ملا هدایت الله بدري د دوشنبې په ورځ د ۱۴۰۳/۱۲/۲۷ نېټې په خپل کاري دفتر کې د چین هېواد له سفیر او مل پلاوي سره وکتل.
د کانونو او پټرولیم وزارت سرپرست د ښه راغلاست ترڅنګ وویل چین او افغانستان د سیاسي او اقتصادي اړیکو مخینه لري، چې دواړه خواوې یې د پرمختګ او پیاوړتیا لپاره ژمن دي او موږ هڅه کوو چې د هېواد د کاني سرچینو په برخه کې بهرنیو پانګوالو ته ډېرې اسانتیاوې برابرې کړو.
ور پسې د چین سفیر د کانونو او پټرولیم وزارت د مشرتابه د مېلمه پالنې څخه مننه وکړه ویې ویل: چین او افغانستان دوه ښه ګاونډیان دي، چې اوږدې او ښې اړیکې لري، دغه راز دوی د قشقري د تېلو د څاګانو د استخراج او د عینک مسو کان د اکتشاف د چټکتیا په اړه بحث او نظرونه شریک کړل.
