د کانونو او پټرولیم وزارت سرپرست د ګرین ټري شرکت له استازو سره وکتل
د کانونو او پټرولیم وزارت سرپرست الحاج ملا هدایت الله بدري د یکشنبې په ورځ د ١٤٠٣/١٢/٢٦ نېټې په خپل کاري دفتر کې د روسیې او ایران ګرین ټري شرکت له شریکانو محمدصبوري او دینس کولومین سره وکتل.
په دغه کتنه کې دوی د افغانستان د کاني سرچینو په برخه کې د پانګونې د شته فرصتونو په اړه بحث او نظرونه شریک کړل، دغه راز یې د غور ولایت د سربو کانونو په برخه کې د پانګونې په موخه خپله لېوالتیا څرګنده کړه، یادو پانګوالو په هېواد کې د لابراتوار د جوړېدو خبره وکړه. د کانونو او پټرولیم وزارت سرپرست له لوري یې هرکلی وشو.
په پای کې یې د هغو بهرنيو شرکتونو سره چې پانګونه کوي د اړینې همکارۍ او اسانتیاوو رامنځته کولو ژمنه وشوه.
