د کانونو او پټرولیم وزارت سرپرست د هېواد د بېلابېلو ولایتونو څخه د مشواڼی قوم له علماو او سپنږیرو سره وکتل.
د کانونو او پټرولیم وزارت سرپرست وزیر شیخ الحدیث شهاب الدین دلاور د 14/11/1400 نېټه د هیواد له د بېلابېلو ولایتونو څخه د مشواڼي قوم له علماوو، مخورو او قومي سپنږیرو سره په خپل کاري دفتر کې وکتل.
د کانونو او پټرولیم وزارت سرپرست وزیر له علماوو، مخورو او قومي سپینږیرو ته د ښه راغلاست تر څنګ وویل، موږ دغه دروند مسولېت په غاړه لرو او همدارنګه د تېرو شلو کلونو په قربانۍ ورکولو سره نن په سوله ایز او خوندي چاپېریال کې ژوند کوو.
د نړۍ له 48 څخه زیات هیوادونو افغانستان اشغال کړی و چې دا د یوې نړیوالې جګړې په څېر و او د نړۍ زیاتره هیوادونو په دغه جنګ کې په مستقیم او غېرې مستقیم ډول زموږ له ولس سره په جګړه کې ښکېل وو. دغه اشغالګرو هیوادونو د ملیاردونو ډالرو له لګښت او انساني تلفاتو وروسته بلاخره د الله پاک په مرسته او د افغان ولس په قربانیو سره له ماتې سره مخ شول، چې دا ټولې لاسته راوړنې د افغانستان د مظلوم ولس، مجاهدینو او د اسلامي امارت د ټولو پیاوړو مشرانو د هلو ځلو په نتیجه کې تر لاسه شو.
موږ د خدای پاک شکر ګذاره یو چې چې نن د اسلامي امارت په بریا سره په ټول هیواد کې اسلامي نظام او ملي حاکمیت حاکم شو او اوس اسلامي امارت او زموږ ټول افغان ولس په یوه امن چاپېریال کې ژوند کو او هڅه کوو چې د هراړخیزو او صادقانه خدمتونو په وړاندې کولو سره د هیواد اقتصاد ته وده ورکړو او د ملي عوایدو کچه لوړه کړو تر څو وکولی شو چې دغه کړیدلی ملت له اقتصادي بحران څخه وژغورو.
