د کانونو او پټرولیم وزارت سرپرست په اروپا کې له مېشتو افغان علمي او فرهنګي شخصیتونو سره وکتل

firoz_admin
سه‌شنبه ۱۴۰۳/۲/۴ - ۷:۵۶
ss

د کانونو او پټرولیم وزارت سرپرست شیخ الحدیث شهاب الدین دلاور په خپل کاري دفتر کې په اروپا کې له یو شمېر مېشتو افغان علمي او فرهنګي شخصیتونو سره وکتل.
په دې ناسته کې په اروپا کې مېشتو افغان علمي او فرهنګي شخصیتونو په ټول هېواد کې د امنیت او ملي حاکمیت پر ټینګښت، اداری فساد سره د مبارزې او د نشه یي توکو په له منځه وړلو، د ملي پروژو پلي کېدو په ځانګړې توګه د کانونو د سکټور په برخه کې د اسلامی امارت له کړنو او لاسته راوړنو څخه خوښی څرګنده کړه.
یادو شویو شخصیتونه له هېواد څخه بهر د افغانانو د تخنيکي، علمي او فرهنګي ظرفيتونو د جلب او جذب لپاره د لا زياتو فرصتونو او اسانتياوو رامنځته کولو غوښتنه وکړه ویې ویل: زيات شمېر هغه افغان علمي، فرهنګي شخصيتونه او پانګوال چې په بهر کې مېشت دي لېوالتيا لري، چې د دوی لپاره په هېواد کې د پانګونې لپاره مناسبه زمینه او نورې اسانتیاوې برابرې شي تر څو دوی بېرته خپل هېواد ته راستانه او د خدمت جوګه شي.
د کانونو او پټرولیم وزارت سرپرست شیخ الحدیث شهاب الدین دلاور دوی ته د ښه راغلاست تر څنګ وویل: الحمدلله د اسلامي امارت په راتګ سره په ټول هېواد کې امنیت تامین شوی، واحد حکومت رامنځته شوی، اداري فساد تر ټولو ټیټې کچې ته رسیدلی دی. د نشه یي توکو کښت او تولید له منځه وړل شوی او د هېواد په ټولو برخو کې خلک په خوندي او سوله ایز چاپیریال کې ژوند کوي.
د کانونو او پټروليم وزارت سرپرست په پای کې د دوى له راتګ او ښه نظر څخه مننه وکړه ويې ويل، افغانستان د ټولو افغانانو ګډ کور دى، په بهر کې مېشت افغانان کولاى شي په پوره ډاډ سره خپل هېواد ته راستانه شي او د هېواد په بيارغونه او پرمختګ کې ونډه واخلي.

تازه خبرونه

دوشنبه ۱۴۰۳/۳/۷ - ۱۳:۱۴
Background image

د بادغیس ولایت د ګچو په کانونو کې په سلګونو کسان په کار بوخت دي

د بادغیس ولایت په مقر، سنګ اتش ولسوالیو کې د ګچو په کانونو او د پروسس په کارخونو کې سلګونو کسانو ته د کار زمینه برابره شوې ده.
بادغیس ولایت د هېواد د هغو ولایتونو له جملې څخه دی، چې د. . .

شنبه ۱۴۰۳/۳/۵ - ۱۴:۵۷
Background image

د هرات ولایت د سبزک ډبرو سکرو کان د استخراج چارې نړیوالو معیارونو سره سم ترسره کېږي

د هرات ولایت د کروخ ولسوالۍ د سبزک سیمې د ډبرو سکرو کان چارې د وطن درخشان د کانونو د استخراج شرکت له لوري نړیوالو معیارونو سره سم ترسره کېږي.
 د یاد شرکت د مسوولینو پر وینا په دغه کان. . .

دوشنبه ۱۴۰۳/۲/۳۱ - ۸:۵۹
Background image

د هرات ولایت د مرمر ډبرو کانونو کې له 5000 څخه ډېر کسان په کار بوخت دي

د هرات ولایت د چشت شریف ولسوالۍ د مرمر ډبرو کانونو او پروسس په کار خونو کې له پنځه زرو څخه ډېر کسان په مستقیم او غیر مستقیم ډول په کار بوخت دي.
دغه راز په د غو کانونو باندې له ۱۲. . .

بېرته خبرونه ته